广州气温反反复复

好似着咩都唔啱

不如试试万能叠穿法

冻嘅时候着多件

热嘅时候又可以除落嚟

无论係学院风、运动look、

抑或甜美系、潮酷风

样样掂！

掂晒！

咁咩嘢係叠穿？

顾名思义

就係一件叠一件

营造出有层次感嘅穿搭

点样叠穿先好睇？

等可乐君带你look一look

各位明星嘅演绎啦！

毛衣马甲搭配衬衫

係非常经典嘅学院风叠穿

比如话曾可妮呢身

偏紫蓝色嘅搭配

就有好乖好纯品嘅感觉

王俊凯呢身宽松搭配

有些少坏男孩嘅feel

经典黑白格纹嘅基础上

加上咗闪耀嘅丝线

令整个造型变得更为抢眼

孟美岐嘅彩色冷衫

颜色充满秋天丰收嘅感觉

配以白色衬衫

再加饰品点缀

成个人充满元气活力

李沁嘅毛衣配短T

同样带俾人清新学院风嘅感觉

宽松疏孔嘅毛衣比较通风

唔会令人觉得太热

热嘅话又可以除咗佢

单着一件T恤

卫衣叠穿

同样十分容易驾驭

朴宝剑嘅黑色卫衣配西装

整体造型偏向休闲

唔係太正式嘅场合可以着

以上嘅叠穿比较容易掌握

接下来嘅叠穿

更具时尚感之余

亦更加考验大家嘅技巧

比如话王一博嘅

领子叠领子叠穿法

选择咗较为鲜艳花巧嘅衬衫

叠穿黑色有领外套

抢眼夺目又唔会感觉冶艳

罗云熙西装配大衣嘅叠穿

虽然有好多个衣领叠埋

但望落非常有型有款

外搭嘅拼色大衣

令整体造型成熟大气之余

又尽显时尚感

长短袖叠穿

係比较常见嘅叠穿方式

丁禹兮在此基础上

再搭配一件马甲

为造型增添咗运动潮酷嘅感觉

佢另外一身长短袖叠穿

都非常有时尚感

宽松嘅外套衣袖稍短

手部露出内里衬衫嘅花纹

为整体造型增添趣味感

杨超越呢身

领子叠领子嘅搭配

特色在于里面件衫

衣领下带有镂空设计

可以小露性感

讲到镂空搭配

佢另一套白色复古泡泡袖衬衫

搭配蓝色镂空背心裙

就显得十分可爱甜美

明星有专人帮手搭配

造型自然比较精致

不过大家都可以参考学习下

喺佢哋身上揾D灵感噶！

睇咗咁多位明星嘅搭配

大家又学到几多呢？

资料来源：微博、艺人社交平台

互联网综合整理

编辑：Junko

*文中图片如涉及侵权请联系，立即删除

扫描下方二维码

get最新672期《可乐生活》

▼

海鲜包送到屋企

你都可以做厨神

▼

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。

官方唯一商务合作QQ：19021820609