陆续预告咗好耐

第33届中国电影金鸡奖

终于喺周末

喺厦门举办咗

电影节嘅最佳男女主

奖项花落谁家

一直都係大家

最关注嘅话题

今届金鸡奖

最佳男主係黄晓明

凭借电影《烈火英雄》

入面嘅角色获得

当时呢出电影口碑都唔错

呢个角色前段时间

先摞咗百花影帝

今次已经係黄晓明

第二次获得金鸡影帝

亦都係金鸡首位

两次收获影帝奖杯嘅男演员

2013年嘅时候

黄晓明凭借《中国合伙人》

都係同时摞低百花同金鸡影帝

其实只要认真演戏拣好剧本

唔演咩霸道总裁嘅话

佢嘅演技都ok噶

最佳女主係去年

大热影片《少年的你》嘅

女主角周冬雨

此前周冬雨已经

凭借呢个角色获得咗

金像奖嘅最佳女主

大家应该都仲记得

2016年金马奖

《七月与安生》嘅

周冬雨同马思纯摞咗双影后

所以喺今次周冬雨

摞埋金鸡奖之后

成为咗周迅、章子怡之后

第三位“三金大满贯”得主

佢都係第一位

获得“三金大满贯”嘅90后

最佳男配係大家

都觉得熬出头嘅印小天

同样係《烈火英雄》嘅角色

最佳女配係

《中国机长》嘅袁泉

最佳故事片

係话题同口碑

都非常之唔错嘅

《夺冠》

除咗例牌嘅颁奖之外

当日嘅红地毡环节

都有好多睇头

#沈腾好忙#

仲一度冲上热搜

点解话佢忙？

皆因佢参演咗两部电影

《温暖的抱抱》

《你好，李焕英》

所以佢行完一次红地毡

要即刻调头跑步翻去

边跑边换装

然后下一趴踩单车出场！

唔单止红地毡忙碌

沈腾仲要主持颁奖

仲唱生日歌俾易烊千玺

最佳男主提名嘅千玺

虽然今次摞唔到奖

不过佢即将有新作品

《一朵小红花》

同埋拍摄紧嘅《长津湖》

值得期待下

完整获奖名单如下

有冇你心水嘅影片？

今年特殊情况下

上映嘅电影真係冇往年咁多

作品嘅竞争自然冇咁激烈

但摞奖嘅电影质素係有目共睹嘅

咁到宜家为止

你最like嘅係边一部？

资料来源：微博

视频截图

互联网综合整理